Баккан адамынан айрылгандыгы боюнча пенсия алуу үчүн кандай документтер керек

  Баккан адамынан айрылгандыгы боюнча пенсия алуу үчүн Социалдык фонддун аймактык башкармалыгына төмөнкү документтер берилүүгө тийиш:

  1) - алуучунун паспорту

  - качкындын расмий статусуна ээ болгон жарандар үчүн - качкындын күбөлүгү;

  - КР аймагында туруктуу жашаган чет өлкөлүк жарандар үчүн - КР ички иштер органдары тарабынан берилген жашоо укугуна берилген уруксат.

  Баккан адамдын документтери:

  2) эмгек китепчеси;

  3) ООЖду же ЖОЖду бүткөндүгүн тууралуу диплом (окуу 1999-жылдын 19.02. чейин эсептелет. Күндүзгү бөлүм);

  4) аскердик билет;

  5) аялдар үчүн - балдарынын туулгандыгы тууралуу күбөлүгү;

  6) 1992-1995-жж. жеке ишканаларда иштеген же жеке ишмердик жүргүзгөн адамдар үчүн – СФ органдары тарабынан берилген ошол мезгил үчүн камсыздандыруу төгүмдөрүнүн төлөнгөндүгү тууралуу маалымкат;

  7) 1996-жылдын 1-январына чейин катары менен каалаган 60 ай үчүн эмгек акы жөнүндө маалымкаттар;

  8) 1996-жылдын 1-январынан тартып иштегендиги жана эмгек акысы жөнүндө иш берүүчү тарабынан берилген маалымат;

  9) башка фамилияга берилген документтер болгондо никени каттоо же бузуу жөнүндө күбөлүк;

  10) баккан адамынын каза болгондугу жөнүндө күбөлүктүн нотариус тарабынан күбөлөндүрүлгөн көчүрмөсү;

Багуудагы адамдын документтери:

  11) эмгекке жараксыз багууда болгондордун туулгандыгы тууралуу күбөлүктөрү;

  12) эгерде багуудагы адам бала чагынан майып болсо - майыптыгынын тобун белгилөө жөнүндө МСЭКтин маалымкаты;

  13) үй-бүлөнүн эмгекке жараксыз мүчөсүнүн каза болгон баккан адамдын багуусунда болгондугун ырастаган документтер;

  14) камкорчунун арызына аны камкорчу кылып дайындоо жөнүндө камкорчулук органынын чечиминин көчүрмөсү тиркелет;

  15) өгөй баланын (кыздын) өлгөн адамдын тарбиялоосунда жана багуусунда болгондугунун ырастаган документтер;

  16) багууда болгон балдар ООЖдун же ЖОЖдун окуучулары экендигин ырастаган документтер.

*Кошумча маалымат алуу үчүн төмөнкү шилтемеге кирсеңиздер болот  http://socfond.kg/.